DEIA: EUROPAKO ELITEA, ZEGAMA-AIZKORRI MENDI MARATOIAN

Europako elitea, Zegama-Aizkorri Mendi Maratoian
Italia, Venezuela, Espainia, Katalunya, Mexiko, Galizia edota Euskal Herriko 468 korrikalari bilduko ditu.
VII. Zegama-Aizkorri Maratoia izango da datorren igandean eta aurten 468 korrikalarik parte hartuko dute. Gainera, Europako Txapelketa jokatuko da lasterketa bakar honetan. Italia, Venezuela, Catalunya, Mexiko, Galizia, Andorra, Alemania, Inglaterra, Frantzia, Espainiako autonomia erkidego gehienak eta, batez ere, Euskal Herria dira Zegaman bilduko diren korrikalarien jatorri. Une honetan mundu mailan dauden mendi-lasterkari onentsuenak Zegaman bilduko dira igandean. Aipagarrienen artean, Kilian Jornet, 2007ko Munduko Kopako txapelduna eta iazko maratoiaren irabazlea,  lemoatarra edo Josu Asua bediatarra besteak beste. Halaber Rikardo Mejia mexikarra, 2006ko txapelduna eta Juan Martín Tolosa, Zegama-Aizkorri Maratoiak 2002an izan zuen lehenbiziko irabazlea. Emakumezkoen sailean ere, gaur-gaurko korrikalaririk onenen artetik, Zegaman ikusiko da Corinne Favre, 2007ko txapelduna, Stephanie Jimenez, Pierangela Baronchelli, besteak beste. 250 lagunetik gorako antolakun-tza-taldea jardungo da lanean, den-denak elastiko gorri bereizgarri batez jantzita eta dagokien akreditazio-ezaugarriekin. Euren eginkizuna izango da ibilbidea ongi markatzea, kontrol-guneak zain-tzea, korrikalariei jan-edanak eskaintzea, eta guztien segurtasun-kontuez arduratzea, eta nola ez, baita Aratz-Aizkorri Parke Naturalaren garbitasuna eta zainketa bermatzea ere. Zegamako Udalak eta antolatzaileek bisitari-jendetza handia espero dute ibilbide guztian zehar. Horregatik, komenigarria da, behin berritan, den-denen lankidetza eskatzea ere, norberak bere segurtasuna zain dezan, lasterkariekiko errespetu handia izan dezagun eta, nola ez, antolakun-tzako bolondres guztiekin bat egin dezagun ingurumena zaintze-lanetan.
http://www.deia.com/es/impresa/2008/05/23/bizkaia/kirolak/469647.php